Suenter duas emprovas betg reussidas ils onns 1980/81 e 1985 ha il svilup da la giurisdicziun sin ils nivels surordinads manà natiers la vieuta: il 1997 ed il 1999 ha la Confederaziun ratifitgà duas convenziuns dal Cussegl d'Europa che tractan tranter auter la protecziun dal rumantsch. L'artitgel da linguas en la Constituziun federala è vegnì realisà e cumplettà ils onns 1996 e 2000. Sin il nivel chantunal ha la revisiun totala da la Constituziun l'onn 2004 fullà via ad ina lescha. Il Cussegl grond ha deliberà la lescha l'october 2006. Suenter ch'igl è vegnì fatg diever dal referendum ha il pievel ditg gea a la lescha cun votaziun dals 17 da zercladur 2007. Lescha ed ordinaziun èn entradas en vigur il prim da schaner 2008.