L’arab è il principal linguatg semitic ed ina da las sis linguas uffizialas da las Naziuns unidas. Il pajais cun il dumber il pli aut d’umans arabofons è l’Egipta (78 milliuns olmas); 24 stadis dovran l’arab sco linguatg uffizial, en singuls cas sper in segund. La renaschientscha litterara araba dal 19avel e 20avel tschientaner ha stgaffì il linguatg standard d’oz. Ils dialects arabs sa distinguan per part fitg cleramain ils ins dals auters. In Marocan ed in Sudanais, ubain in Iracais ed in Jemenit, s’enclegian meglier duvrond la coinea. En ils pajais nua ch’in dialect modern è derasà, regia ina diglossia nua ch’il standard fa tetg al dialect local. [Tenor LQ].

(Foto: Aieman Khimji / CC BY 2.0)