Dus onns suenter la naschientscha l’onn 1787 a Constanza turna Guillaume-Henri Dufour enavos a Genevra. Là studegia el scienzas umanas e fisica. L’onn 1811 entra el en l’armada franzosa. Suenter ch’el è daventà chapitani turna el a Genevra, nua ch’el daventa 1827 colonel en la nova armada svizra. Dufour è stà participà a la fundaziun da la scola militara a Thun, là instruescha el tranter auter Napoléon III, l’imperatur da pli tard. L’onn 1847 daventa el general ed uschia cumandant da las truppas federalas. El obtegna l’incumbensa da schliar la Lia separatista. Suenter che la Constituziun federala vegn approvada l’onn 1848, daventa el l’emprim general svizzer da l’istorgia.