Il museum d’art dal Grischun a Cuira cumpiglia var 6000 lavurs, oravant tut d'artists grischuns u svizzers. Ina part da questa collecziun è exponida permanentamain en la Villa Planta. Cun gruppas d'ovras cumplessivas èn represchentads Angelika Kauffmann, Giovanni Segantini, Augusto Giacometti, Giovanni Giacometti, Alberto Giacometti, Ferdinand Hodler, Ernst Ludwig Kirchner, ils represchentants da la gruppa Rot-Blau ed artistas ed artists grischuns contemporans sco Matias Spescha, Not Vital, Elisabeth Arpagaus u Pascale Wiedemann. Il 2016 è vegnì avert sper la Chasa Planta l'edifizi nov dals architects Barozzi/Veiga.