La transiziun dal temp medieval al temp modern è marcada da la renaschientscha e da l'umanissem. En questa epoca è s’etablida, sper la tendenza da la scolastica tradiziunala, era la filosofia dal temp modern. Il moviment d’emancipaziun dals burgais durant l'illuminissem ha elevà la raschun a la posiziun d'ina basa da tut l'enconuschientscha e d'ina mesira per tutl’agir uman. Ella ha requirì ils dretgs da l'uman ed ha reflectà ina renovaziun dad ina «moda da viver natirala e nunfalsifitgada». [Tenor Vichipedia].