En sia furma contemporana sco stadi federal exista la Svizra dapi l'approvaziun da la constituziun federala l’onn 1848. Precursurs da la Svizra moderna èn stads la Veglia Confederaziun, ch'era organisada dapi la fin dal 13avel tschientaner en furma d'in stadi liber federativ, la Republica helvetica centralistica che ha existì da l'onn 1798 fin il 1803, sco er la Confederaziun svizra fundada l'onn 1803 e reorganisada l'onn 1815. Cun la Pasch da Vestfalia han ils chantuns federals obtegnì l'onn 1648 la suveranitad da l'Imperi roman. Al Congress da Vienna, l'onn 1815, èn la suveranitad ed ils cunfins dal territori svizzer vegnids confermads da nov. Il chantun Grischun ha dentant stuì surlaschar a l'Italia la Vuclina, Bormio e Clavenna. [Tenor Vichipedia].