Durant il mais d'october 2009 han auditurs ed audituras dal Radio Rumantsch tschernì per telefon lur chanzun preferida or dad ina schelta da passa 90 chanzuns, repartidas sin tschintg differentas spartas stilisticas. A las set chanzuns finalistas tschernidas direct dal public èn anc vegnidas agiuntadas trais ulteriuras tenor ina scala da preferientschas. Il final da «La chanzun rumantscha» ha gì lieu ils 5 da december 2009 a Lugano. Gudagnà la concurrenza ha la chanzun «La sera sper il lag» da Gion Balzer Casanova.