Dapi l'onn 1513 vegnan tegnids urs a Berna. Fin il 1857 en la citad sezza, suenter en il foss dals urs, ed a partir dal 2009 en il Parc dals urs. Il Parc dals urs en la chapitala svizra è vegnì inaugurà ils 22 d'october 2009. Ils urs vivan uss en in parc cun ina surfatscha da 6000 m2 a la riva da l'Ara. Al foss grond dals urs – in monument istoric – han ils urs anc adina access. Il foss pitschen dals urs stat a disposiziun al public e po vegnir affittà per occurrenzas da tut gener.

(Foto: Geri340 / CC BY-SA 3.0)