L'Engiadin'Ota è caracterisada d’ina planira verda e da quatter lais, tuts furmads da l'En: ils lais da Segl, Silvaplauna, Champfèr e San Murezzan. Questa zona è circumdada da guauds da schembers e lareschs e sisum las muntognas datti glatschers. La val sa chatta sin in’autezza tranter 1600 e 1800 meters sur mar. L'Engiadin'Ota è colliada cun la Val Bergiaglia tras il Pass dal Malögia, cun la Val Puschlav tras il Pass dal Bernina e cun il Surses tras il Pass dal Güglia. Las vischnancas da l’Engiadin’Ota èn (dal vest a l'ost): Segl, Silvaplauna, San Murezzan, Schlarigna, Puntraschigna, Samedan, Bever, La Punt-Chamues-ch, Madulain, Zuoz e S-chanf. [Tenor Vichipedia].