Vallada alpina nunabitada, situada ad in'autezza da 2190 fin 2360 m tranter Sumvitg/Vrin e Blegn al sparta-auas cun il chantun Tessin. La Greina correspunda al Mons Aduelas descrit dal geograf grec Strabon. Il passadi tranter la Val dal Rain e l'Italia ha giugà fin la fin dal 19. tschientaner ina rolla impurtanta per il commerzi da muvel. Ils projects da vias e viafiers dal 19. e 20. tschientaner n'èn mai vegnids realisads. Il project d'in lai da serra è vegnì bandunà il 1986 suenter ina campagna naziunala per la protecziun da questa cuntrada. La Greina è ina cuntrada tractada savens en l'art (B.C. Thurston) ed en la litteratura rumantscha (Toni Halter, Leo Tuor, Gion Deplazes). [Tenor e-lir].

(Foto: Adrian Michael / CC BY-SA 3.0)