|
Impressiunants èn els en mintga cas, ils loschs capricorns! Tge parada grondiusa, cura ch’els sbassan il chau e ballantschan lur cornas lungas vi e nà. Malgrà lur moviments lass e lur corp pesant èn ils capricorns rampignaders ordvart agils. Sco ils chamutschs appartegnan er ils capricorns als bovids. Lur cornas creschan durant l’entira vita, mintg’onn la primavaira in pèr centimeters dapli. Ils rintgs annuals èn bain visibels sin il dies dals corns ed els permettan da determinar la vegliadetgna exacta da l’animal. Malgrà lur pais da radund 90 kg èn ils capricorns ils campiuns dals rampignaders. Els paran d’avair tschitschs sut ils pes e lur senn d’equiliber è extraordinari. [Tenor PNS].
(Foto: Franz Ritter / pixelio) |
