SCUVRAMUND – dossiers tematicsMAGLIACUDESCHS – blog da lectura

Ils 8 da fanadur 1497 è ina flottiglia da tschintg bastiments partida da Portugal per tschertgar la via maritima en l'India. Portugal era sa preparà durant decennis per quest eveniment. En vista a la concurrenza da la Spagna avevi ussa num d'agir spert. I sa tractava d'avrir territoris conuschents e nunenconuschents e da segirar qua tras las ritgezzas enormas da l'Africa e da l'India. Il viadi da Vasco da Gama che ha durrà passa dus onns ha stabilì la ruta sin la quala tut ils bastiments europeics èn navigads en l'Orient Central enfin tar l'avertura dal chanal dal Suez 1869. [Tenor LQ].