|
Friedrich II è l'artavel dals dus tats imperatur Friedrich I Barbarossa e Roger II da Sicilia. Friedrich II è vegnì retg da Sicilia 1208 cun 14 onns. El è restà sin l’insla fin a 1212, l’onn decisiv da sia vita. 1211, cun gnanca 17, è’l vegnì elegì retg da Germania, pia imperatur vegnint, grazia a ses avugà papa Innocenz III. L'onn 1212 ha’l s’embartgà per l’Italia dal nord ed e viagià enfin en Germania nua ch'el è vegnì encurunà da l’archuvestg da Magonza. Friedrich II era in imperatur da gronda cultura ch'è er sa fatschenta cun la litteratura e la chatscha cun il falcun. Cun sia mort cumenza l'interregnum che cuzza enfin 1273. [Tenor LQ]. |
