|
Il papaver retic è ina planta tipica da las Alps Orientalas ch’exista be a l’ost da l’En. Ella crescha sin glera da chaltschina nua che be paucas plantas pon fitgar pe. La ragisch a pal è passa dus meters lunga e sa sroma en la terra en tuttas direcziuns pussaivlas. Uschia sa franchescha ella en la glera e proveda la planta cun aua e nutriment. Il papaver retic è in vair miracul da la natira: Sche la feglia e las flurs dal papaver vegnan sepulidas da craps, sa prolungheschan ils monis en il terren, sa stendan e chatschan sin la via la pli directa a la glisch nua ch’els fan puspè nova feglia e novas flurs – il papaver alpin reviva!
(Foto: Bernd Haynold / CC BY-SA 3.0) |
