|
La gruppa Musée suisse è l'organisaziun purtadra dals Museums naziunals svizzers. Tar quests tutgan tranter auter il Museum naziunal a Turitg, il Château de Prangins sper Nyon ed il Forum d'istorgia a Sviz. Quasi sco «agentura online» che cumpletscha questas purschidas ha la gruppa Musée suisse realisà il portal online «Transfer virtual». I sa tracta d'in champ per sviluppar ina strategia experimentala per l'intermediaziun interactiva da cuntegns or da las collecziuns dals museums naziunals. «Transfer virtual» duaja pussibilitar la rescuverta dal scharm e dal carisma dals objects , da lur istorgias e da lur effect sin l'aspectatura e l'aspectatur. |
