|
L'emprima scolina grischuna è attestada a Cuira il 1856, ina scola privata fin a sia integraziun en il sistem scolar da la citad il 1923. L'activitad professiunala creschenta da las mammas ha manà a la fundaziun da scolinas privatas (purtadas per gronda part da societads da dunnas e da circuls ecclesiastics) u da scolinas communalas, oravant tut en ils lieus cun industria e turissem. Gia il 1931 existivan scolinas da l'entir onn u dals mais da stad. Il 1947 ha la Scola da dunnas dal Grischun cumenzà a furmar mussadras. Dapi il 2004 vegnan tut las mussadras scoladas a la Scola auta da pedagogia. [Tenor e-lir].
(Foto: Dieter Schütz / pixelio) |
