|
Las relaziuns tranter la Gronda Britannia ed il Grischun han cuntanschì lur culminaziun enturn il 1700. Ils dus pajais han manifestà dapi il 1690 repetidamain ed en maniera entusiastica lur amicizia, p.ex. en furma dad imnis u poesias en onur dal retg William III u en furma da dedicaziuns, sco p.ex. quella da la «La s. Bibla» dal 1718 a George I, retg da la Gronda Britannia. In contract d'allianza preparà il 1742-45 tras Salomon von Sprecher n'ha betg pudì vegnir stipulà. En il 18avel e 19avel tschientaners èn emigrads numerus Grischuns en la Gronda Britannia, tranter quels plirs commerziants e mastergnants engiadinais. Blers dad els han fatg grondas carrieras. [Tenor e-lir]. |
