SCUVRAMUND – dossiers tematicsMAGLIACUDESCHS – blog da lectura

L’intenziun dal manifest pro rumantsch è da mussar a las persunas che decidan en chaussa: I dat blera glieud en la Rumantschia che guarda cun spiert avert sin il rumantsch grischun en scola. Il manifest vul plinavant exprimer respect envers tut las vischnancas ch’han gia introducì il rumantsch grischun en scola ed el vul animar las autras vischnancas da far il medem – per amur d’ina ferma Rumantschia ed en favur da la proxima generaziun. Uss è il temp madir per far quest pass cun curaschi e cun plaschair.