|
En sis dis da zercladur 1967 ha l’Israel conquistà intschess bler pli vasts che quels che l’armistizi da 1949 al surlaschava. Ils 22 da november 1967 ha il cussegl da segirtad da l’ONU pretendì che l’Israel retraja sias truppas da tut quels intschess. 1979 a Washington ha lez stadi firmà cun l’Egipta in patg da pasch che francava la restituziun da la peninsla da Sinai. Ma el controllescha anc adina tschellas conquistas da 1967, pia las collinas da Golan e cunzunt la Palestina araba, la quala cumpiglia quella part dal «mandat» britannic da 1920–1947 che l’armistizi da 1949 ha surlaschà als Arabs. [Tenor ANR]. |
