Il carnet tracta la tematica da l’amur, da la sexualitad, da prevenziun e dad Aids. El di co, nua, cura e pertge ch’ins po amar u avair sex e vul cuntanscher ils giuvenils. Perquai è el cumparì tar l’Ovra svizra da lectura per la giuventetgna (OSL). In sguard el carnet mussa dentant ch’el na vul betg dar recepts, mabain dar respostas sin dumondas che preoccupeschan ils giuvenils. El è dentant era adattà per geniturs e magisters che chattan en il carnet ideas ed impuls per discutar cun lur uffants, cun ils scolars ni cun glieud giuvna insumma.